POEM: Adidas

ADIDAS
by Huggs

Mula nang iwan ako’y nangulila
Malaking dagok iyong pagkawala
Sa aking pagpikit ika’y nakikita
Ito bang dulot pag-ibig na hiwaga

Lumipas ang panahon di ito nagbago
Mahal ka pa rin nitong aking puso
Darating kaya panahon na hinihintay
O sadyang buhay wala nang kulay

Aking alaala regalo mo sa akin
Suot na Jacket tuwing malakas ang hangin
Pakiramdam ko’y ako’y iyong kayakap
Nabubuo muli itong aking pangarap

Ingat na ingat ako sa Adidas kong ito
Sapagkat ikaw lamang nagbigay ng ganito
Aking saya tuwing ito’y makikita
Pakiramdam ko’y lagi kang kasama