POEM: Salem Bed

SALEM BED
by Huggs

Kay sayang mga alaala iyong iniwan
Iyong katangian kakaiba sa karaniwan
Marahil limitado lamang aking kaalaman
Ngunit mga ngiti’y di mawalay sa isipan

Ika’y nakilala sa #BREAKTIME na nilikha
Sadya bang ipinagkaloob sa akin ng tadhana
Salamat Panginoon at iyo’y ipinakilala
Sa aki’y tunay na magpapaligaya

Nagkukulay ang araw kapag ika’y naaalala
Napapangiti na lang at minsa’y natutulala
Nababawasan ang lungkot napapalitan ng saya
Basta litrato mo aki’y naaalala